A pall of gloom, leads to ghalib's room.....

Gam ke andheron mein bhiga, ghabraya,
thi sahmi, meri parchhai bhi.....
tujhse doori jo sah na paya,
gumnami mein paayi, maine, manzil meri.....

neend bhi hui, khafa mujhse,
shab bhi is raat ko ghula na saki...
waakif na tha, main pyaar ki dagar se,
koi dava, is dard-e-dil ko bhula na saki...

dastak to di,
har ummeed ke sirhane......
lekin,
nirasha ka daaman chhut na saka...
dooba raha, is gam ke veerane,
par, takhdir ka khel, roke na ruka...

labon par tere naam ki aahat,
tha seene mein, tujhse judai ka dard...
fiki padi, har doosri chaahat,
is aalam mein, jo tha nam aur sard..

kismat ne rachi ye aisi saazish,
tere zarre se bhi roobaroo na hua...
dil ne sanjoi, ek aakhri khwahish,
lekin, uska anjam bhi bura hi hua......

zindagi ban gayi ek tanha mehfil,
devdas, hi ban, isme shaamil ho gaya....
kya bayaan karun, haal-e-dil,
jab tera saaya bhi mujhse, bewafaa ho gaya...